A Sociedade Portuguesa de Estatística (SPE) xunto coa SGAPEIO organizan a seguinte sesión paralela especial de Biometría.

• Dr. Javier ROCA PARDIÑAS. Dpto. de Estadística e Investigación Operativa, Universidade de Vigo. "Rexións de referencia condicionais baseadas en modelos de localización e escala: Aplicación a marcadores glicémicos".
• Dr. Tiago MARQUES. Centre for Research into Ecological & Environmental Modelling. University of St Andrews. "Estimating sperm whale acoustic cue rates from tags without acoustic data".
• Dra. Vanda INACIO DE CARVALHO. School of Mathematics, University of Edinburgh. "Bayesian nonparametric inference for the overlap coefficient: with an application to disease diagnosis".

Dr. Javier ROCA PARDIÑAS Dpto. de Estatística e Investigación Operativa, Universidade de Vigo.

Profesor Titular do Departamento de Estatística e Investigación Operativa da UVigo. É coordinador do Máster (Inter Universitario) en Técnicas Estatísticas na UVigo (dende 2017), investigador adscrito a ITMATI dende 2014 e membro do consello executivo da Sociedade Galega para a Promoción da Estatística e Investigación Operativa (SGAPEIO) dende 2013. Participou como investigador en 6 proxectos competitivos do plan Nacional (Ministerio de Economía y Competitividad), e en 10 proxectos autonómicos (Xunta de Galicia). Ademáis, ten unha ampla traxectoria en transferencia de coñecemento sendo investigador principal de numerosos contratos con empresas. A súa investigación céntrase no campo da regresión non paramétrica multivariante e técnicas de remostraxe bootstrap, con especial énfase en modelos aditivos xeralizados (GAM). Experto en estatística computacional, conta con importantes contribucións ós modelos de predición semiparamétricos. A súa labor investigadora xerou máis de 60 publicacións en revistas de impacto en áreas como estatística, informática, medio ambiente, biomedicina e enxeñaría, entre outras. Destaca a súa experiencia no campo da bioestadística, con numerosos traballos publicados en prestixiosas revistas: Journal of Epidemiology and Community Health, IEEE Transactions on Information Technology in BioMedicine, European Journal of Neuroscience, Statistics in Medicine, Statistical Methods in Medical Research, Journal of Statistical Sofware.

Dr. Tiago MARQUES Centre for Research into Ecological & Environmental Modelling. University of St Andrews.

Investigador senior na University of St Andrews (UStA), traballa en estatística ecolóxica, concretamente na estimación da abundancia de animais e na modelización do movemento animal, centrándose actualmente nos datos acústicos pasivos. É Profesor invitado no Department of Animal Biology, Faculdade de Ciências da Universidade de Lisboa (FCUL), membro da xunta directiva da Sociedade Portuguesa de Estatística (SPE) e subdirector do Centro de Estatística e Aplicacións (CEAUL). Participou como consultor en varios proxectos internacionais, incluíndo osos polares (Canadá, Groenlandia, EE.UU., Noruega e Rusia), baleas (Groenlandia, Golfo de México, Bahamas e Hawai) e lebres (Irlanda), sendo responsable do deseño das enquisas, o traballo de campo e a análise de datos. A súa labor investigadora inclúe máis de 90 artigos internacionais de prestixio, 4 capítulos de libro e 1 libro sobre métodos de mostraxe a distancia, entre otros. Ademais, conta cunha gran cantidade de contribucións a congresos, charlas e conferencias invitadas, charlas de divulgación científica, talleres internacionais sobre estimación da abundancia e talleres de R. Foi revisor de máis de 130 artigos, supervisou a realización de 5 doutoramentos e 9 estudantes de maestría, e é coautor de Distance, o software estándar do sector para a análise de mostraxe de distancias.

Dra. Vanda INACIO DE CARVALHO School of Mathematics, University of Edinburgh.

Profesora de Estatística na School of Mathematics da University of Edinburgh dende 2016. Previamente, ela foi Assistant Professor na PUC Chile (2012–2016). Vanda obtivo o seu doutoramento en Estatística pola Universidade de Lisboa e un BSc en Applied Mathematics pola Universidade Nova de Lisboa. As súas principais liñas de investigación son a estatística (nonparamétrica) Bayesiana, a estatística computacional, e a bioestatística, con énfase na evolución estatística de test médicos. O seu traballo foi publicado en algunhas das revistas punteiras no seu campo, coma Annals of Applied Statistics, Bayesian Analysis, Biostatistics, Biometrics, Statistics in Medicine, e Statistical Science, entre outras. Tamén é coautora do paquete de R ROCnReg, que é o único que integra métodos frecuentistas e Bayesianos para a estimación de curvas ROC (con e sen covariables).